Онцгой албан татварын тухай хууль энэ оны зургаадугаар сарын 5-ны өдөр шинэчлэн баталжээ. Ингэхдээ бүх төрлийн чихэрлэг, ус ундаанд онцгой албан татвар ногдуулах заалтыг нэмсэн байна. Тус хуулийг 2027 оноос мөрдөж эхэлнэ.
Хүн 30 нас хүртлээ ясны 90 хувийг бүрдүүлэгч кальциа нөөцөлж, түүнийгээ насан туршдаа ашигладаг. Гэтэл хийжүүлсэн ундаа уусан эхний 10 минутын дотор л хийжүүлсэн ундааны фосфорын хүчил нь бие дэх бодисын солилцоог эрчимжүүлж, шээсээр их хэмжээний кальцийг гадагшлуулдаг. Тиймээс буруу хэрэглээнээс үүдэлтэй өвчний үүсвэр, чимээгүй дайсан хийжүүлсэн ундаанаас татгалзахыг мэргэжилтнүүд зөвлөсөөр ирсэн.
Манай улсын хувьд зах зээл дэх чихэрлэг ундааны 88 хувийг дотооддоо үйлдвэрлэдэг. Нэг хүнд өдөрт дунджаар 381 мл ундаа ногддог бөгөөд гол хэрэглэгч нь хүүхэд, залуус байдаг аж.
Судалгаагаар хийжүүлсэн ундаа, чихэрлэг хүнсний хэт их хэрэглээ нь хүүхдийн сэтгэцийн эрүүл мэндэд сөргөөр нөлөөлдөг, нойрсох хугацааг багасгадаг. Сэтгэн бодох чадварт сөргөөр нөлөөлж, ой тогтоолт муудах, ойлголт удаашрах сөрөг үр дагавартай байдаг гэдгийн нотолжээ. Мөн кофейны агууламжтай учир донтуулдаг сөрөг үр дагавартай.
