Сүхбаатар дүүргийн Хөдөлмөр, халамжийн үйлчилгээний хэлтэс болон тус дүүргийн Хөдөлмөрийн аюулгүй байдал, эрүүл ахуйн салбар зөвлөлөөс нийтийн аж ахуйн салбарынхныг хөдөлмөрийн аюулгүй байдал, эрүүл ахуйн сертификаттай сургалтыг зохион байгуулав. Энэхүү сургалтад дүүргийн хэмжээнд үйл ажиллагаа явуулдаг хот, нийтийн аж ахуй, орон сууц, инженерийн шугам сүлжээ, СӨХ зэрэг 80 байгууллагын хөдөлмөрийн аюулгүй байдал, эрүүл ахуй хариуцсан хүн хамрагдаж, үйлдвэрлэлийн осол, эрсдэлээс урьдчилан сэргийлэх мэдлэгээ нэмлээ. Мөн “Арш Хур” ХХК-ийн хөдөлмөрийн аюулгүй байдал, эрүүл ахуйн сургагч багш, анагаах ухааны магистр Н.Түвшинбаяр анхны тусламж, Монгол Улсын зөвлөх, хөдөлмөрийн аюулгүй байдал, эрүүл ахуйн сургагч багш, ISO 45001:2018 стандартын тэргүүлэх аудитор, техникийн ухааны магистр Г.Ган-Эрдэнэ ХАБЭА-н хууль, тогтоомж, норм, дүрэм, стандартууд, ажлын байранд тавигдах шаардлага болон үйлдвэрлэлийн осол, мэргэжлээс шалтгаалсан өвчнөөс урьдчилан сэргийлэх сэдвээр тус тус мэргэжил, арга зүйн зөвлөгөө, мэдээлэл өглөө.
