Хан-Уул дүүргээс 2023 оны II ээлжээр хугацаат цэргийн албанд татагдан Зэвсэгт хүчин, Хилийн ба Дотоодын цэргийн ангиудад алба хааж, хугацаа дуусган халагдаж ирсэн дайчдыг хүлээн авч, хүндэтгэл үзүүллээ.
Энэ үеэр дүүргийн Хөдөлмөр халамж үйлчилгээний хэлтэс, Төрийн тусгай алба, Хан-Уул дүүргийн Цагдаагийн газар, Онцгой байдлын хэлтэс, хувийн хэвшлийн ажил олгогч байгууллагуудтай хамтран ажлын байр, мэргэжлийн сургалтуудыг халагдсан дайчдад танилцуулж, ажлын байранд зуучлан, Хан-Уул дүүргийн Засаг даргын “Дурсамж”-ийг гардуулж, амжилт хүслээ. 
