Сонгинохайрхан дүүргийн 22, 34 дүгээр хороо Тахилтын уулзвараас Найрамдлын уулзвар хүртэлх 15.7 км урт, 7 метр өргөн авто замыг анх 1978 онд ашиглалтад оруулсан байдаг. Үүнээс хойш дээрх авто замд засвар, шинэчлэлтийн ажил хийгдээгүй. Өмнө нь дээрх авто замд нөхөөс хийх боломжгүй гэсэн мэргэжлийн байгууллагын дүгнэлт гарч байв.
Тэгвэл дээрх 15.7 км авто замыг ирэх намар бүрэн засварлаж, шинэчлэхээр боллоо. Нийслэлийн бондын хөрөнгөөр дээрх 15.7 км авто замыг шинэчлэх юм. Авто замын засварын зураг төслийн ажил бүрэн хийгдэж дуусаад байна.
