Сонгинохайрхан дүүргийн иргэдийн Төлөөлөгчдийн Хурлын “Гэмт хэргээс урьдчилан сэргийлэх ажлыг зохицуулах салбар зөвлөл”-ийн 3 дугаар улирлын тайлангийн хурал боллоо.
Хурлаар өнгөрсөн жилүүдэд хийсэн ажлын тайлан болон цаашид ямар ажил хийхээр төлөвлөж буй талаар ярилцсан юм.
Дүүргийн ИТХ-аас өнгөрсөн хугацаанд 11 төсөл арга, хэмжээг батлан хэрэгжилтэд хяналт тавин ажилласан. Гэмт хэрэг зөрчлөөс урьдчилан сэргийлэх чиглэлээр 25 аян, арга хэмжээ, сургалт, сурталчилгаа, 12 ажил, арга хэмжээ хэрэгжүүлсэн.
Мөн дүүргийн “Гамшгийн эрсдэлийг бууруулах орон нутгийн зөвлөл” 2021 онд байгуулагдсан. Тус зөвлөл 93 ажил, бэлэн байдлыг нэмэгдүүлж техник тоног төхөөрөмж шийдвэрлэсэн байна.
Уулзалтад СХД-ийн ЗДТГ-ын Хууль, эрх зүйн хэлтэс, Шүүх шинжилгээний хэлтэс, Цагдаагийн газар, Онцгой байдлын хэлтэс, Прокурорын газар, Дотоодын цэргийн анги, дүүргийн Цэргийн штабын удирдлагууд оролцож, тулгамдаж буй асуудлаар санал солилцлоо.
Дүүргийн Цагдаагийн газрын 1, 2, 3 дугаар хэлтсийн хэсгийн байцаагч нарын өрөөг бүрэн камержуулах ажлыг хэрэгжүүлэхээр төсөв шийдвэрлэсэн. Цаашид эдгээр хэлтсүүд болон Шүүхийн шинжилгээний байгууллагуудад туулах чадвартай мотоциклийг 2025 оны төсөв дээр суулгуулан шийдвэрлэхээр болов.
