Монгол Улсын Ерөнхийлөгч У.Хүрэлсүх Монгол Улсын 2025 оны Төсвийн тухай хууль, хамт өргөн мэдүүлсэн болон холбогдуулан боловсруулж баталсан хууль тогтоомжид бүхэлд нь хориг тавьсан.
Ерөнхийлөгчийн зүгээс Засгийн газрыг төсвийн алдагдлаа бууруулах, хууль дээдлэх зарчмаа баримтлах ёстой гэж үзэж, бүхэлд нь хориг тавьж буйгаа мэдэгдсэн юм.
Харин Улсын Их Хурал дахь Монгол Ардын Намын бүлэг, Ардчилсан намын бүлгийн хурлаар Монгол Улсын Ерөнхийлөгчийн хоригийг хэлэлцэж хүлээж авах нь зүйтэй гэж үзлээ.
Одоо Төсвийн болон Эдийн засгийн байнгын хороо хуралдаж байна. 15.00 цагаас УИХ-ын чуулганы нэгдсэн хуралдаанаар Ерөнхийлөгч У.Хүрэлсүхийн 2025 оны төсвийн хуульд тавьсан, хоригийг хүлээн авах, эсэхийг хэлэлцэнэ.
