Ерөнхийлөгч 2025 оны төсөвт бүхэлд нь хориг тавиад байна. УИХ дээр Ерөнхийлөгчийн хоригийг хүлээж авах эсэхийг ирэх өдрүүдийн чуулганаар хэлэлцэн шийдвэрлэнэ.
Энэ талаар сангийн сайд Б.Жавхлан мэдээлэл хийлээ.
САНГИЙН САЙД Б.ЖАВХЛАН:
Засгийн газраас төсвийн тооцооллоо эргэн харна. Төсөв 2 хувийн алдагдалтай байгаа. Мөн хэд хэдэн анхаарах зүйл байгаа. Төсвийг алдагдалгүй батлахын тулд үйл ажиллаагаагаа танах, хөрөнгө оруулалтууды царцаах болж байна.
Энэ жил хуулийн дагуу 60-70 хувийн урсгал зардал нэмэгдсэн. Гэхдээ энэ бүгдийг эргэж харах нөхцөл байдлууд үүслээ.
Гадаад томилолтын зардал, Соёлын яамны ваучир зэргийн дүнгүүд алдагдалгүй төсвийг батлахад хувь хэмжээний хувьд маш бага байгаа. Гэвч хасагдаж таарх байх.
Мөн алдагдалгүй төсөв батлахын тулд Засгийн газрын үйл ажиллагаа талдаа нилээн таналт хийх шаардлага гарч ирнэ. Засгийн газар үүнд бэлтгэлтэй байгаа төдийгүй тооцооллуудаа аль хэдийн хийсэн.
Салбар салбарын хуулинд орсон өөрчлөлт, УИХ-ын гишүүдийн өргөн барьсан шууд нэмэгдэж байгаа зардлыг эргэж харна. Өөрөөр хэлбэл, салбар салбарын амбицыг дагасан зардлыг танаж багасгана гэсэн үг.
Түүнчлэн ирэх жил шинээр хийгдэх 1.7 их наядын хөрөнгө оруулалтуудыг эрэмбэлнэ. 50 хувь нь хасагдах байх. Өөрөөр хэлбэл, эрчим хүчний бүтээн байгууллатын асуудал тэр хэмжээгээр шингэрнэ. Хүрэх зорилтын хугацаа тэр хэмжээгээр уртасна гэсэн үг. Нэг хүнд ноогдох үндэсний орлого энэ 4 жил ухарна. Хөгжлийн зорилтууд дээрээ хойшлох сонголт хийж байна гэж ойлгох хэрэгтэй.
Жишээ нь, Дархан-Алтанбулагийн зам буюу Евроазийг холбосон Монгол Улсын төсөвт өртөгөөр явж байгаа гадаад худалдааны маш том ачаалал авдаг магистрал зам. Энэ мэт замын ажлуудыг эрэмбэлж хойшлуулах сонголт хийгдэнэ. Цаашлаад Бүсчилсэн хөгжлийн зорилтын дагуу хийж байгаа аймгуудруу хийх ажил орон зайн хувьд багасч орж ирнэ.
Төсвийн нэг төгрөгийн зарлага ч иргэдийн хэрэглээн дээр л очно. Гуанз, бензин гэх мэт. Энэ бүхэн хумигдана. Төсвөөр дамжиж хийгдэх бүтээн байгуулалт, хөрөнгө оруулалт бүгдл хумигдана.
Хамгийн сүүлд урсгал зардлыг танах асуудал яригдана. Нийтдээ 2.1 орчим их наяд төгрөгийн хөрөнгө оруулалтын зардал танаж байж алдагдалгүй төсөв батална.
