Өнөөдөр Дэлхийн Хүүхдийн Өдөр. НҮБ-ын Ерөнхий Ассамблей 1959 онд Хүүхдийн эрхийн тунхаглал, 1989 онд Хүүхдийн эрхийн тухай конвенцийг тус тус баталснаар 1990 оноос эхлэн жил бүрийн 11 сарын 20-ны өдрийг Дэлхийн хүүхдийн өдөр болгон тэмдэглэж ирсэн уламжлалтай. Энэ өдрийг тэмдэглэснээрээ дэлхийн хүүхдүүдийн дунд олон улсын эв нэгдлийг бэхжүүлэх, тэдний асуудалд анхаарал хандуулах зорилготой.
НҮБ-ын Хүүхдийн Сан болох UNICEF энэхүү өдрийг зохион байгуулж зохицуулдаг бөгөөд хүүхдийн сайн сайхан байдлыг сайжруулахад чиглэсэн үйл ажиллагааг дэмжиж ажилладаг.
Хүүхдийн баярын түүх
Хүүхдийн баярыг анх 1857 онд Массачусетс мужийн Челси хотын Universalist Church of the Redeemer-ийн пастор Чарльз Леонард санаачилсан. Тэрээр хүүхдүүдэд зориулан онцгой мөргөлийн арга хэмжээ зохион байгуулж, уг өдрийг Сарнайн өдөр гэж нэрлэсэн бөгөөд дараа нь Цэцгийн ням гараг, эцэст нь Хүүхдийн өдөр гэж нэрлэгдэх болсон.
Хүүхдийн баярыг анх 1920 онд Туркийн Бүгд Найрамдах Улс 4-р сарын 23-ныг Хүүхдийн өдөр хэмээн зарлаж, албан ёсны үндэсний баяр болгосон байна. Тухайн үеийн төр засаг болон сонин хэвлэлүүд энэ өдрийг хүүхдүүдэд зориулсан өдөр гэж тэмдэглэн өнгөрүүлж байжээ. Гэсэн хэдий ч энэ баярыг албан ёсоор баталгаажуулах шаардлага бий болсон тул 1929 онд Туркийн ерөнхийлөгч бөгөөд үндэслэгч Мустафа Кемал Ататүрк уг өдрийг үндэсний баяр болгон зарлажээ.
