Өдгөө 58 настай Майк Тайсон 19 жилийн дараа мэргэжлийн бокстоо эргэн ирлээ.
Тодруулбал өнөөдөр буюу баасан гарагт хуучин хүнд жингийн аварга маань 27 настай Жэйк Полын эсрэг AT&T цэнгэлдэх хүрээлэнд тулалдах гэж байна. Тайсон хамгийн сүүлд мэргэжлийн тулаанаа 19 гаруй жилийн өмнө хийж, сүүлийн үзүүлэх тулаанаа дөрвөн жилийн өмнө хийсэн билээ.
Тамирчныхаа хувьд Тайсон маш сайн байгаа хэдий ч нас нь түүнд зарим сорилтыг бий болгож байна. Вэйлл Корнеллийн Анагаах ухааны коллежийн мэдрэлийн эмч, рингийн эмчээр ажилладаг доктор Нитин К.Сетхийнх хэлж буйгаар "40-өөс дээш насны тамирчдын хувьд томоохон хоёр эрсдэл байдаг. Нэгдүгээрт, рингэнд тулалдах үед тэд тархины ноцтой гэмтэл авах магадлал өндөр байдаг бол, хоёрдугаарт олон жилийн турш мэргэжлийн боксоор тулалдсаны улмаас удаан хугацааны мэдрэлийн гэмтэлд илүү өртөх боломжтой" гэж тэр хэлсэн байна. Харин одоо 58 настайдаа Жэйк Полтой тулахаар эргэн ирж буй нь түүний бокст хандах туйлыг хүслийг нь харуулах боловч ахимаг настай тамирчдад боксын спортын үзүүлэх мэдрэлийн нөлөөлөлд санаа зовнил төрүүлж байна.
