Монгол Улсын Ерөнхий сайд Л.Оюун-Эрдэнэ Бүгд Найрамдах Хятад Ард Улсад ажлын айлчлал хийж, Хятадын олон улсын импортын VII Экспо-д оролцохоор өнөөдөр /2024.11.04/ Улаанбаатар хотоос мордлоо. Түүнийг УИХ, Засгийн газрын зарим гишүүн дагалдаж байна.
Энэ онд Монгол Улс, БНХАУ-ын хооронд дипломат харилцаа тогтоосны 75 жилийн ой тохиож буй бөгөөд Ерөнхий сайдын айлчлал нь хоёр улсын Иж бүрэн стратегийн түншлэлийн харилцааг өргөжүүлэн хөгжүүлэх, бүхий л салбарын бодит хамтын ажиллагааг эрчимжүүлэхэд чиглэж байна хэмээн Засгийн газраас мэдээллээ.
