Улс төрийн хэрэгт хэлмэгдэгсдийн дурсгалыг хүндэтгэх өдрийг тохиолдуулан Сонгинохайрхан уулын бэлд байрлах хэлмэгдэгсдийн дурсгалын хөшөөнд цэцэг өргөж, гэгээн дурсгалд хүндэтгэл үзүүллээ.
Тус арга хэмжээнд Улсын Их Хурлын дэд дарга бөгөөд Цагаатгах ажлыг удирдан зохион байгуулах Улсын комиссын дарга Б.Пүрэвдорж, НИТХ-ын нарийн бичгийн дарга бөгөөд ажлын албаны дарга Б.Батбямба, Нийслэлийн салбар комиссын нарийн бичгийн дарга М.Халтар, Сонгинохайрхан дүүргийн ИТХ-ын дарга Д.Ундармаа, СХД-ийн салбар комиссын нарийн бичгийн дарга Ж.Бат-Эрдэнэ, Цагаатгах ажлыг удирдан зохион байгуулах улсын комисс, түүний ажлын алба, хэлмэгдэгсдийн үр хүүхэд, ах дүү, төрөл төрөгсөд оролцлоо.
1996 оноос эхлэн Монгол Улсын хууль, УИХ-ын тогтоолын дагуу энэ өдрийг жил бүрийн есдүгээр сарын 10-нд тэмдэглэж, 29 дэх жилдээ хэлмэгдэгсдийн дурсгалыг хүндэтгэн өнгөрөөж байна.
