Аймаг, нийслэл, сум, дүүргийн иргэдийн төлөөлөгчдийн хурлын 2024 оны ээлжит сонгууль өнгөрсөн Баасан гаригт /2024.10.11/ болсон. Энэ удаагийн сонгуульд МАН үнэмлэхүй ялалт байгуулав. Харин АН-ын жирийн гишүүд дэмжигчид сонгуулийн ялагдлыг Ерөнхийлөгч асан Х.Баттулгатай холбон, шүүмжилж эхэлсэн юм.
Тэгвэл Х.Баттулгын зүгээс "Ардчилсан намаа ялуулахын тулд нийслэл, аймаг, сумдаар явсан. Нийслэлийн намууд өөрсдөө дүүрэг дүүрэг дээрээ нэр дэвшигчдээ гаргаж ирсэн. Тэр надад ямар хамаатай юм бэ. Намаа дэмжиж ажиллах нь миний үүрэг.
Орон нутгийн сонгуульд сул нэр дэвшигчид дэвшүүлсэн гэдэгтэй санал нийлэхгүй. Байгаа залуус маань тэр.Нийслэлийн Ардчилсан намын асуудал надад хамаагүй. Нийслэлийн ардчилсан нам хуралдаж даргын асуудлыг ярих байх" гэжээ.
