Цахим сүлжээнд өчигдөр /2024.10.08/ байрны орцонд хүүхдүүд нэгнийгээ зодож буй бичлэг цацагдсан. Тус бичлэгт бие муутай байж болзошгүй нэг хүүхдийг өөр нэгэн "Ийшээ зогс. Хананд налахгүй, чи надад гар хүрдэг хэн бэ" гэгчлэнгээр хэлж, түүний толгойн тус газарт цохиж байгаа нь гардаг. Тус хэргийг Баянгол дүүргийн цагдаагийн хоёрдугаар хэлтэс шалгаж байгаа.
Тэгвэл Жи-мобайл компанийн удирдах зөвлөлийн гишүүн, Жет скүүтерийн захирал Г.Дашням эрх нь зөрчигдсөн байж болзошгүй тус хүүг "Жюү жицүд урьсан" байна. Г.Дашням өөрийн facebook хуудастаа, "Алгадуулж байгаа хүүхдийг олоод авчих юмсан. Жюү жицүд урьж байна. Бүх зардлыг нь даая. Ийм үед өөрийгөө хамгаалж сурах хэрэгтэй шүү ээж, аав нараа" гэжээ.
