Өсвөр насны хүүхдүүд тоглоомоос болж муудалцан, нэгнээ хутгалсан хэрэг гарчээ.
Тодруулбал, цагдаагийн байгууллагад энэ оны 10 дугаар сарын 04-ний өдрийн 23 цагийн үед “Хүүхдүүд зодолдоод нэгнийгээ хутгалчихлаа" гэсэн мэдээлэл ирсэн байна. Мэдээллийн мөрөөр шалгахад 17 настай, эрэгтэй , 19 настай эрэгтэй нарын нуруу хэсэгт, 15 настай эрэгтэй хүүхэд хутгалж гэмтээсэн байжээ.
Урьдчилсан байдлаар хохирогч болон холбогдогч нар билъярд тоглож байгаад маргалдсан байдал тогтоогдсон. Шалгалтын ажиллагаа үргэлжилж байна.
Хохирогч эмнэлэгт эмчлэгдэж байгаа. Биеийн байдал хэвийн гэх мэдээллийг эмнэлгийн байгууллагаас өглөө.
