ГХЯ: ИЗРАЙЛ УЛСАД СУУГАА 80 ГАРУЙ МОНГОЛ ИРГЭДТЭЙ ТОГТМОЛ ХОЛБООТОЙ БАЙЖ, НӨХЦӨЛ БАЙДЛЫГ АНХААРАЛТАЙ АЖИГЛАЖ БАЙНА

Өнгөрсөн Лхагваас Пүрэв гаригт шилжих шөнө Ираны армийн зүгээс Израилийн газар нутагруу 180 гаруй пуужингаар довтолсон нь олон улсын анхаарлын төвд байна. 

Тэгвэл Израилд амьдарч буй Монгол Улсын иргэдийг аюулгүй байдлаа хангаж, анхаарал сэрэмжтэй байхыг Гадаад харилцааны яамнаас зөвлөлөө. Тус зөвлөмжид: 

Израил Улсад Монгол Улсын 80 гаруй иргэн оршин сууж байгаа бөгөөд ГХЯ болон Анкара дахь ЭСЯ-наас тус улсад байгаа иргэдтэйгээ тогтмол холбоотой ажиллаж, нөхцөл байдлыг анхааралтай ажиглаж байна.

Ойрх Дорнодын бүс нутагт үүсээд байгаа нөхцөл байдалтай холбогдуулан тус бүс нутагт зорчихдоо нөхцөл байдлыг урьдчилан сайтар судалж, анхаарал сэрэмжтэй байхыг иргэн Танд зөвлөж байна.

Тус бүс нутагт байгаа Монгол Улсын иргэн Танд яаралтай туслалцаа, дэмжлэг хэрэгтэй болсон тохиолдолд:

• ГХЯ-ны шуурхай утас: +97683042222 
• Цахим шуудан: consul@mfa.gov.mn 
• Анкара дахь ЭСЯ-ны /WhatsApp/ дугаарын шуурхай утас: +905340128408 
• Цахим шуудан: ankara@mfa.gov.mn хаягаар холбогдохыг зөвлөж байна.