Шинэ долоо хоногийн ажлын өдөр хэрүүл, зодоонтой сүржин эхэллээ. Жагсаж тэмцэх хоббитой Отгонбаатар өнөөдөр боловсролын сайдын мэдээлэл дээр сэтгүүлчидтэй зэрэгцэн очиж, түүнээс асуух зүйл байна гэж индерт зэрэгцэн шахуу зогсоод, хэлэх зүйлээ хэлээд эцэст нь сайдруу өндөг шидэж орхив.
Түүнийг элдэв сенсаци тарьж явдгийг бүгд мэдэх хойно энэ явдалд хэвлэлийнхэн төдийлөн цочирдсонгүй. Хөөрхий тэгсхийгээд төрийн хамгаалалтынханд чирэгдээд, хөөгдөн гарав.
Харин жагсагч Отгонбаатарын нэг өндөгний оронд 2,3 цохилтоор хариу барьсан Төмөрсайханы Отгонбаатар гэгч нэгэн шинэ оркын дүрээр олон нийтийн хараанд өртлөө. Уг нь бол тэрээр ХҮН намын нарийн бичгийн дарга гэх сэтэртэй, Боловсролын сайд П.Наранбаатарын хэвлэлийн төлөөлөгч албан тушаалтай.
Төрийн албан хаагч гэхэд түүнд даанч хүлээцтэй зангийн хэлтэрхий ч алга. Өндөг шидүүлсэн Наранбаяр ёоёо гэж хэдэнтээ хэлээд хурлаа үргэлжлүүлж байхад харын өмнөөс шар гэгчээр хэвлэлийн төлөөлөгч нь хэргийн эзэнг заамдаж аваад хэдэнтээ жавтий хүртээж харагдав. Уг нь бол фэйсбүүк хуудсандаа чухам ажил хэрэгч дүрийг бүтээж, энэ ч дүрээрээ намаасаа НИТХ-ын сонгуулиар Баянзүрх дүүрэгт нэр дэвших эрх аваад буй.
Гэхдээ өөрийгөө хянах чадваргүй энэ мэт зүрхний хийтэй нөхдөд албан тушаал өгөөд хэрэг байна уу даа гэх эргэлзээг эрхгүй төрүүлээд авлаа.
