Улсын нэгдсэн төсвийн нийт орлого өмнөх оны мөн үеэс 30.4хувиар өсжээ.Улсын нэгдсэн төсвийн нийт орлого, тусламжийн хэмжээ 2024 оны эхний 8 сарын урьдчилсан гүйцэтгэлээр 19.9 их наяд төгрөгт хүрч, өмнөх оны мөн үеэс 4.6 (30.4%) их наяд төгрөг, тэнцвэржүүлсэн орлого тусламжийн хэмжээ 18.9 их наяд төгрөгт хүрч, 4.3 (29.3%) их наяд төгрөгөөр тус тус өссөн байна.
Нийт зарлага, эргэж төлөгдөх цэвэр зээлийн хэмжээ 2024 оны эхний 8сард 17.3 их наяд төгрөгт хүрч, тэнцвэржүүлсэн тэнцэл 1.6 их наяд төгрөгийн ашигтай гарчээ.
Татварын нийт орлого 2024 оны эхний 8 сард 17.7их наяд төгрөгт хүрч, өмнөх оны мөн үеэс 29.9% буюу 4.1 их наяд төгрөгөөр өссөн байна. Үүнд орлогын албан татварын орлого 57.3% буюу 2.2 их наяд төгрөг, нэмэгдсэн өртгийн албан татвар 28.1% буюу 823.7 тэрбум төгрөг, нийгмийн даатгалын орлого 19.8% буюу 474.1 тэрбум төгрөг, гадаад үйл ажиллагааны орлого 22.4% буюу 209.4 тэрбум төгрөг, онцгой албан татвар 37.2% буюу 196.5 тэрбум төгрөгөөр тус тус өссөн нь голлон нөлөөлжээ.
