Монгол Улсад орчин цагийн биеийн тамир, спортын салбар үүсэж хөгжсөний 100 жил, Олимпын наадамд оролцож эхэлсний 60 жил, паралимпын наадамд оролцож эхэлсний 24 жилийн ойг тохиолдуулан “Парис 2024” зуны паралимпын наадмын пара таеквондогийн төрөлд алтан медаль хүртэж эх орныхоо нэрийг өндөрт өргөсөн У.Сүрэнжавд Хөдөлмөрийн баатар цол хүртээж, хөдөлмөрийн баатарын “Алтан соёмбо” тэмдэг, “Сүхбаатарын одонгоор” шагналаа.
Паралимпын анхны эмэгтэй аварга, Хөдөлмөрийн баатар Уламбаярын Сүрэнжав нь,
- 2000 онд Завхан аймгийн Тосонцэнгэл хотод төрсөн, 24 настай.
- Анх удаа паралимпод оролцсон бөгөөд Монголын паралимпын анхны эмэгтэй аварга болсон юм.
- 11-р ангийн сурагч байхдаа таеквондогийн спортоор хичээллэж эхэлсэн бөгөөд анхны медалиа Завхан аймгийн аварга шалгаруулах тэмцээнээс хүртэж байжээ.
- Тэрбээр, ДАШТ-ээс хүрэл медаль, Азийн аваргаас алт, хүрэл медаль, Европын аваргаас алтан медаль, Ханжоу 2022 наадмаас мөнгөн медаль, Дэлхийн чансаа олгох цуврал тэмцээнээс 2 алт, 1 мөнгө, 1 хүрэл медаль, Олон улсын Гранпри тэмцээнээс 1 алт, 2 медаль хүртсэн юм.
