Өнгөрсөн 8 дугаар сарын 26-ны өдөр Хэнтий аймаг, Биндэр сум Онон багийн "Онон голын баруун салаа” гэдэг газар бага насны хүүхэд "Онон" голын усанд тоглож байгаад живсэн харамсалтай осол болсон.
Ослын дараа Дорнод аймгийн Онцгой байдлын газрын эрэн хайх, аврах анги, Хэнтий аймгийн Онцгой байдлын газрын алба хаагчид эрлийн ажиллагааг зохион байгуулан ажилласан. Ийнхүү 14 хоногийн дараа буюу 9 дүгээр сарын 08-ны өдрийн 09:57 цагт тус багийн “Хонхор” гэдэг газар /анх осолдсон газраас урд зүгт 800 метр/-аас цогцсыг олж уснаас гарган Цагдаагийн байгууллагад шилжүүлэн өгсөн байна.
