Монголын тайз дэлгэцийн урлагт насаараа хүчин зүтгэж Цогт тайж /1945/, Манай аялгуу /1956/, Бушхүүгийн үлгэр /1979/ кинонуудад дүрээ мөнхөлсөн Ардын жүжигчин, Хөдөлмөрийн баатар Л.Цогзолмаа гуай энэ жил 100 насны босго давж байна.
Түүний 100 насны ой энэ зун тохиосон ч сонгуулийн үетэй давхацсан учир тэмдэглээгүй аж. Тиймээс Монголын урлагийн ажилтны холбооноос 9 сарын 20-нд Төрийн соёрхолт, Ардын жүжигчин, Хөдөлмөрийн баатар Л.Цогзолмаа болон түүний охин Ардын жүжигчин Н.Сувд нарт хүндэтгэл үзүүлэх, Л.Цогзолмаа гуайн 100 насны ойг тэмдэглэхээр болжээ.
Энэ үеэр Дэлхийн оюуны өмчийн академаас Л.Цогзолмаа гуайн дуулсан дуунуудыг дэлхийн энх тайвны хэл гэгддэг “Эсперанто” хэлээр орчуулан дуулахаар төлөвлөж буй аж.
Энэ жил эсперанто хэлний 70 жилийн ой тохиож байна.
