"Парис 2024" Зуны Паралимпын наадмын таеквондогийн тэмцээний эмэгтэйчүүдийн -52 кг-ын жингийн K44 ангилалд эх орноо төлөөлөн оролцож буй ОУХМ У.Сүрэнжав ОЛИМПЫН АВАРГА болж Парисын тэнгэрт эх орныхоо далбааг мандууллаа.
Тэрээр эхний тойрогт гоц мөргөсөн бол хоёрдугаар тойрогт Египетийн тамирчин Салма Хассаныг буулган авч улмаар Мексикийн тамирчин Жессика Гарсиа Куйжаног ялан хагас шигшээд шалгарсан.
Алтан медалийн төлөө Иран улсын тамирчин Зара Рахимитэй тулалдан 5:2 харьцаатайгаар ялалт байгуулж ийнхүү олимпын аварга гэх хүндтэй цолны эзэн болж Парисын тэнгэрт Монгол Улсын төрийн далбааг мандуулан, төрийн дууллаа эгшиглүүллээ.
Ийнхүү Монгол Улс анх удаагаа таеквондогийн төрлөөр паралимпоос медаль хүртсэн төдийгүй анхны эмэгтэй олимпын аваргаа өлгийдөн авлаа.
У.Сүрэнжав 2000 онд Завхан аймгийн Тосонцэнгэл суманд төрсөн, 11 дүгээр ангиасаа таеквондогийн спортоор хичээллэж эхэлжээ. Тэрээр 2023 онд ДАШТ-аас хүрэл медаль хүртэн 2024 онд Ази тивийн аварга болсон.
