ТЕЛЕГРАМЫН ҮҮСГЭН БАЙГУУЛАГЧИД ФРАНЦ УЛС ХИЛИЙН ХОРИГ ТАВИЛАА

Телеграм сошиал сүлжээний үүсгэн байгуулагч Павел Дуровт эрүүгийн хэрэг үүсгэж, хилийн хориг тавьснаа Франц улсын прокурорын байгууллага өчигдөр мэдээлжээ.

39 настай тэрбумтныг таван сая еврогийн барьцаагаар сулласан байна.

Одоо тэр Франц улсаас гарах эрхгүй болж, долоо хоногт хоёр удаа цагдаагийн газарт биеэр очих үүрэгтэй болжээ.

Парисын прокурорын газрын мэдэгдсэнээр бол түүнд

• Зохион байгуулалттай гэмт хэргийн байгууллагуудын хууль бус төлбөр тооцоог платформоороо дамжуулсан
• Эрх баригчидтай хамтран ажиллахаас зайлсхийсэн
• Хүүхдийн садар самуун агуулгатай материалыг тараахад оролцсон гэх гурван хэрэг тулгажээ.

Эх сурвалж: BBC