Улаанбаатар Цахилгаан Түгээх Сүлжээ ТӨХК-аас төлбөрийн өртэй айл өрх, аж ахуйн нэгжүүдийг хэрэглэсэн цахилгааны төлбөрөө яаралтай төлөхийг санууллаа.
Эрчим хүчний салбарын тасралтгүй ажиллагааг хангахын тулд тус байгууллагаас хуримтлагдсан өр авлагатай хэрэглэгчдийн хэрэглээг түдгэлзүүл, өр авлагыг бууруулах ажлыг эрчимжүүлж эхэлсэн байна. Уг ажлын хүрээнд хэрэглэгч нэг сарын төлбөрөө төлөөгүй бол гэрээнд заасан хугацаанд, хоёроос дээш сарын төлбөрийн өртэй бол хугацаа харгалзахгүйгээр тогийг нь таслах арга хэмжээ авч байгаа аж.
