УИХ-ын гишүүн Г.Тэмүүлэн Төсвийн тогтвортой байдлын тухай хуулийн шинэчлэлтэй холбоотой асуудлаар сэтгүүлчдэд хандан мэдээлэл хийлээ. Тэрбээр,
-" Өмнөх парламентийн үед бид бүхэн төсвийн шинэчлэлийг хийж, төсвийн хариуцлага, ил тод, нээлттэй байдлыг дээшлүүлэх реформыг 2 жил гаруй хугацаанд олон эрдэмтэн судлаачидтай нийлж хийсэн. Гэтэл энэ хууль дөнгөж хэрэгжиж эхлэх гэж байхад, тухайн хяналт хариуцлага, сахилга батын санкцууд нь хэрэгжиж эхлэх гэж байхад илүү муугаар өөрчлөх гэж байгаа зүйл хууль зүйн талаасаа болж байна. Бид бүхний өмнө нь эхлүүлсэн төсвийн шинэчлэлийг хуулийн хулгайгаар нураах гэж байгаа үйлдэл болж байна" гэв.
Үргэлжлүүлэн тэрээр төсвийн тодотгол дагасан төсвийн тухай хууль болон төсвийн тогтвортой байдлын тухай хуулийн зарим зүйл заалтууд нь маш их эрсдэл дагуулахаар байгааг онцлов. Тодруулбал Төсвийн тогтвортой байдлын тухай хуулинд "Төсвийн суурь зарлага" гэж оруулж ирээд гадаад өр, зээлийг хасах гэж буйн эсрэг байр суурьтай байгаагаа илэрхийллээ.
