Азийн бетоны X хуралдаан Монгол Улсад зохион байгуулагдаж байна. Хот байгуулалт, барилга, орон сууцжуулалтын яам, Монголын бетоны холбоо, ШУТИС хамтран зохион байгуулж буй энэхүү хуралд дэлхийн 12 орны 170 гаруй эрдэмтэн судлаачид оролцож байна.
Барилгын салбарын гол материал болох бетоны дэвшилтэт технологи, бетоны хөгжлийн чиг хандлага, чанарын асуудлыг хэлэлцэж байгаа аж.
Бетоны чанарт түүний найрлагыг бүрдүүлж буй түүхий эд материалын шууд хамааралтай бөгөөд манай улсын хувьд хайрга, дайрга, элсний асуудал хүндрэлтэй байгааг Монголын бетоны холбооны ерөнхийлөгч С.Ууганбаяр хэлж байна.
