Болгарын Бургас хотод болж өндөрлөсөн хиймэл оюун ухааны анхдугаар олимпиадаас Монголын сурагчид мөнгөн медаль хүртжээ. 200 гаруй сурагч 2 үе шаттайгаар өрсөлдсөн уг олимпиадад манай улсаас дөрвөн хүний бүрэлдэхүүнтэй баг өрсөлдсөн юм. Багийн ахлагчаар МУИС-ийн Мэдээлэл технологи, электроникийн багш З.Цолмон, бүрэлдэхүүнд Э.Тэнүүн, Ч.Ирмүүн, Н.Батсүх, Т.Энгүүн нар багтсан.
Сурагчид загвар платформд бүтээлч сэтгэлгээ, асуудал шийдвэрлэх чадвараараа өрсөлдөж, онол болон практик мэдлэг шалгасан дасгалууд дээр ажилласан байна.
Тус олимпиадын зорилго нь сурагчдын шүүмжит сэтгэлгээг хөгжүүлэх, шинжлэх ухааны болон практик мэдлэгийг дээшлүүлэх, мэдээллийн технологийн салбарын өргөн боломжуудын талаар ойлголт өгөх, хиймэл оюун ухаантай холбоотой ёс зүйн асуудлыг өргөн хүрээнд нээлттэй хэлэлцсэн байна.
