Монгол Улсын их хурлын чуулганы хуралдааны дэгийн тухай хуулийн 22.1.3-т УИХ-ын дарга энэ хуулийн 22.1.1, 22.1.2-т заасны дагуу ирүүлсэн саналыг нэгтгэн, нам эвслийн бүрэлдэхүүнтэй зөвшилцөж, байнгын хорооны бүрэлдэхүүний талаарх саналаа нэгдсэн хуралдаанд танилцуулдаг. Энэ дагуу зарим байнгын хороонд өөрчлөлт оруулж буйгаа УИХ-ын дарга Д.Амарбаясгалан гишүүдэд танилцууллаа.
- УИХ-ын гишүүн Б.Батцэцэг, У.Отгонбаяр нарыг УИХ-ын Боловсрол, соёл, шинжлэх ухаан, спортын байнгын хорооны
- С.Лүндэгийг УИХ-ын Ёс зүй, дэгийн байнгын хорооны
- Б.Заяабал, Б.Уянга нарыг УИХ-ын Инноваци, цахим бодлогын байнгын хорооны
- Б.Жавхланг УИХ-ын Эдийн засгийн байнгын хорооны бүрэлдэхүүнээс тус тус чөлөөлж
- УИХ-ын гишүүн Д.Жаргалсайхан, С.Лүндэг, Б.Уянга нарыг УИХ-ын Аж үйлдвэржилтийн бодлогын байнгын хорооны
- Б.Жавхланг УИХ-ын Ёс зүй, дэгийн байнгын хорооны
- Б.Бат-Эрдэнийг УИХ-ын Нийгмийн бодлогын байнгын хорооны
- Б.Батцэцэг, Ж.Ганбаатар нарыг УИХ-ын Төсвийн байнгын хорооны
- Б.Заяабал, У.Отгонбаяр нарыг УИХ-ын Хууль зүйн байнгын хорооны
- Х.Ганхуягийг УИХ-ын Эдийн засгийн байнгын хорооны гишүүнээр тус тус томиллоо.
