Сургуулийн Өмнөх Боловсрол (СӨБ), Ерөнхий Боловсролын Сургууль (ЕБС)-ийн сургалтын хөтөлбөрийг шинэчлэн боловсруулах багийн ажлын нээлт өнөөдөр боллоо. Энэ үеэр Болосролын сайд П.Наранбаяр сэтгүүлчдэд мэдээлэл өгөхдөө ЕБС-ын гуравдугаар ангиас эхлэн англи хэл оруулдаг болох туршилтыг эхлүүлэх талаар дурьдлаа. Тодруулбал тэрбээр:
"Энэ жилээс англи хэл үндсэн гадаад хэл болсон. Үүнтэй холбоотойгоор сурагчдад англи хэлийг гуравдугаар ангиас нь заахаар байгаа. Гэхдээ эхлээд 100 сургуульд туршиж үзнэ.
Англи хэлний "Pearson" хөтөлбөрийг хэрэгжүүлэхдээ танхим болон цахим хосолсон сургалтыг явуулах юм.
Боловсролын салбарт хэт угзарсан, гэнэтийн цочмог шийдвэр гаргаж болохгүй. Тийм учраас эхний ээлжид туршилтаар харна" гэлээ.
