Улаанбаатар хотоос гарах замын хөдөлгөөний ачаалал эрс нэмэгдэж байгааг Тээврийн Цагдаагийн Алба (ТЦА)-наас мэдээллээ.
Үндэсний их баяр наадамтай холбоотой Хүй долоон худаг болон орон нутаг руу зорчих хөдөлгөөн нэмэгдэж, хотоос гарах чиглэлийн замууд ачаалалтай байна.
Иргэдийн хэвийн аюулгүй зорчих нөхцөлийг бүрдүүлэх зорилгоор цагдаагийн байгууллагаас биет зохицуулалтаар хөдөлгөөнийг зохицуулан ажиллаж байгаа юм.
Иймд иргэд та бүхэн бусдад хүндэтгэлтэй хандаж, замын хөдөлгөөний дүрмийг баримталж, хөдөлгөөнд соёлтой оролцохыг уриалав.
