УИХ-ын чуулганы үдээс хойших хуралдаан үргэлжилж байна.
Хуралдаанаар Монгол Улсын Ерөнхий сайдыг томилох асуудлыг хэлэлцэх юм.
Дөнгөж сая хуралдсан Төрийн байгуулалтын байнгын хорооны хуралдаанаар уг асуудлыг хэлэлцээд УИХ-ын гишүүн Л.Оюун-Эрдэнийг Ерөнхий сайдаар томилохыг хуралдаанд оролцсон гишүүд 100 хувийн саналаар дэмжсэн байна.
УИХ-ЫН ГИШҮҮН Р.СЭДДОРЖ:
-Говьд усны асуудал маш хүнд байна. Гурван жилдээ багтааж гадаргын усыг крантаар явуулах ажлыг бүгдээрээ нийлж хийх хэрэгтэй байна. Туршлагатай, төмөр зам барьж байсан Х.Баттулга Ерөнхийлөгч болон говийн бүсээс гарч байсан гишүүд бүгд энэ тал дээр анхааръя. Ус байвал бүх зүйлийг хийж болно. Эрх мэдлийг орон нутаг руу чиглүүлэх бодлогодоо анхаармаар байна. Босоо тогтолцоотой байгууллагууд орон нутагт нэмэгдээд байх дэмий байна.Төр хувийн хэвшлийн түншлэлийн хуулиа яаралтай хэрэгжүүлээд эхэлвэл аймаг, сумдад маш хэрэгтэй. Цаашлаад бүх сумдын модон жорлонг өөрчилж, аялал жуулчлалаар хэн ч очсон нүүр улайхгүй болгох төсөв манайд улсад бий гэж бодож байна.
