УИХ-ын чуулганы үдээс хойших хуралдаан үргэлжилж байна.
Хуралдаанаар Монгол Улсын Ерөнхий сайдыг томилох асуудлыг хэлэлцэх юм.
Дөнгөж сая хуралдсан Төрийн байгуулалтын байнгын хорооны хуралдаанаар уг асуудлыг хэлэлцээд УИХ-ын гишүүн Л.Оюун-Эрдэнийг Ерөнхий сайдаар томилохыг хуралдаанд оролцсон гишүүд 100 хувийн саналаар дэмжсэн байна.
УИХ-ЫН ГИШҮҮН Ж.АЛДАРЖАВХЛАН:
-Юуны өмнө надад итгэж сонгосон Хан-Уул дүүргийнхэндээ гүн талархал илэрхийлье. Өнгөрсөн 30 жил өнгөрсөн. Шинэ 30 жилээ яръя. Нийслэл Улаанбаатар хотыг дэмжих байнгын хороотой болвол яасан юм бэ гэсэн бодолтой байна. Сөрөг хүчин юу ч байсан эсэргүүцнэ гэдэг бодолтой явбал Монгол Улс хохирно. Ерөнхий сайд эхэлсэн ажлаа амжилттай дуусгаарай.
