2024 оны УИХ-ын ээлжит сонгуульд нэр дэвшиж, ялалт байгуулсан хүмүүст УИХ-ын гишүүний үнэмлэх гардуулах ёслолын үйл ажиллагаа болж байна.
Тэгвэл 4-р бүс буюу Булган, Хөвсгөл, Орхон аймагт АН-аас нэр дэвшиж, ялалт байгуулсан Монгол Улсын 5 дахь Ерөнхийлөгч Х.Баттулга үнэмлэх гардуулах үйл ажиллагаанд ирсэнгүй.
Монголын улс төрийн түүхэнд Ерөнхийлөгчийн алба хашиж байсан хүн УИХ-ын сонгуульд нэр дэвшиж байсан тохиолдол үгүй. Гэвч 2017-2021 онд Монгол Улсын Ерөнхийлөгчөөр ажилласан Х.Баттулга энэ удаагийн УИХ-ын сонгуульд Хөвсгөл, Булган, Орхон аймагт нэр дэвшин өрсөлдөж ялалт байгуулсан юм.
Мухар төмөр зам барьж, ШХАБ-д Монгол Улсыг элсүүлэх оролдлого хийж байсан гэх түүнийг УИХ-д орж ирсэнд болгоомжлох хүн олон. Мөн түүний өөдөөс энэ парламентэд сөрж чадах нь хэд бол. Түүхийн шинэ хуудас, нэмэгдэхүүнтэй парламентыг эхнээс нь үл тоох Х.Баттулга ирэх дөрвөн жил олны хараанд байх нь дамжиггүй.
