Өчигдөр 20 цагийн орчим нийслэлийн нутаг дэвсгэрт орсон борооны улмаас тухайн өдрийн 21:30 цагийн байдлаар СХД-ийн 32, 33-р хороодод гэр хашаа усанд автсан 12, машин урссан 1 удаагийн дуудлага мэдээлэл бүртгэгдсэн байна. Ойрын өдрүүдэд усархаг бороо олон давтамжтай орохоор байгаа тул иргэдийг анхаарал сэрэмжтэй байхыг Онцгой байдлын албанаас анхаарууллаа.
Мөн нийслэлийн хэмжээнд Баянгол, Баянзүрх, Сүхбаатар, Сонгинохайрхан, Хан-Уул, Чингэлтэй, Налайх гэсэн 7 дүүргийн 24 хорооны нутаг дэвсгэрт үерийн эрсдэлтэй бүсэд суурьшсан 1917 айл өрхөд аюулгүй байдлаа ханган эрсдэлтэй бүсээс нүүх мэдэгдэлийг давхардсан тоогоор 3052 удаа хүргүүлээд байгаа аж
