Цаг агаарын аюулт үзэгдлийн улмаас өчигдөр /06.12/ орой Банхонгор аймагт 2, Өмнөговь аймагт 6 гэр нуржээ. Тодруулбал,
Баянхонгор аймаг, Баянлиг сум Хатан суудал багийн “Жаргалант” хороолол болон ‘’Адуучын хороо’’ гэдэг газар 06.12-ны өдрийн 19:00-19:20 цагийн хооронд 18-20 м/с хүртэл хүчтэй түр зуурын шороон шуурга шуурсны улмаас 2 өрхийн гэр нурж, эвдэрсэн тухай мэдээллийг мөн өдрийн 19:30 цагт Онцгой байдлын алба хүлээн авсан байна. Шуурганд иргэн Б-ын 5 ханатай 1 гэр, Н-ын 4 ханатай 1 гэр нурж, ашиглах боломжгүй эвдэрчээ.
Мөн Өмнөговь аймаг, Булган сум Дал багийн "Нүцгэн хөөвөр" болон "Бүлээн гол" гэдэг газар 06.12-ны өдрийн 21:00 цагийн орчим 20 м/с хүртэл хүчтэй түр зуурын шороон шуурга шуурсны улмаас 6 гэр нурсан тухай мэдээллийг мөн өдрийн 22:28 цагт хүлээн авсан байна.
Шуурганд малчин Д-ийн 5 ханатай 1 гэр, 4 ханатай 1 гэр, Б-ийн 5 ханатай 1 гэр, 4 ханатай 1 гэр, Э, Н нарын 4 ханатай 2 гэр нурсан аж.
