Өнөөдөр хүүхдийн хөдөлмөрийн эсрэг дэлхийн өдөр тохиож байна. Олон Улсын Хөдөлмөрийн байгууллага /ILO/ 2002 оноос эхлэн жил бүрийн 6 дугаар сарын 12-ны өдрийг хүүхдийн хөдөлмөрийн эсрэг дэлхийн өдөр болгон тэмдэглэж ирсэн.
Энэ жил дэлхий нийтээр уг өдрийг “Амлалтаа биелүүлье. Хүүхдийн хөдөлмөрийг устгая!” уриа дор тэмдэглэн өнгөрүүлж байна.
Монгол улсад 5-17 насны 138.5мянган хүүхэд хөдөлмөр эрхэлж байна. Өөрөөр хэлбэл манай улсад 5-17 насны 852385 хүүхэд байдгаас 16.3 хувь нь хөдөлмөр эрхэлдэг. Эдгээрийн 62,6 хувь нь хөвгүүд гэж 2021-2022 онд хийгдсэн хүүхдийн хөдөлмөрийн судалгаагаар гарчээ.
Хамгийн харамсалтай нь ажил эрхэлж буй нийт хүүхдүүдийн 40 орчим хувь буюу 58,2 мянга нь аюултай хөдөлмөр эрхэлдэг.
Хүүхдийн хөдөлмөрийн тэвчишгүй хэлбэрийн тухай Олон Улсын Хөдөлмөрийн Байгууллагын 182 дугаар конвенц батлагдсаны 25 жилийн ой энэ жил тохиож буй. Манай улс ОУХБ-ын суурь 9 конвенцод нэгдэж, хэрэгжилт, зөвлөмжийг биелүүлэн ажиллахаас гадна энэхүү өдрийг 2005 оноос эхлэн тэмдэглэж байна.
