Сонгуулийн ерөнхий хорооны удирдлагууд Монгол Улсын Их Хурлын 2024 оны ээлжит сонгуульд нэр дэвшигчээр бүртгэгдсэн иргэдийн төлөөлөлд өнөөдөр (06.10) Нэр дэвшигчийн үнэмлэх гардуулж, амжилт хүслээ. Нэр дэвшигчийн үнэмлэхийг нам, эвслийнх төлөөлөл болон бие даагчид, тэднийг төлөөлөх хүн гардаж авсан юм.
Монгол Улсын Их Хурлын 2024 оны ээлжит сонгуульд тойрогт 19 нам, хоёр эвслээс болон бие даан нэр дэвшигч 996, жагсаалтаар 15 нам, хоёр эвслээс 370, нийт 1336 нэр дэвшигч оролцож байна.
Нэр дэвшигчийн мэдээлэлтэй ЭНД дарж танилцана уу.
Сонгуульд нэр дэвшигчдэд үнэмлэх гардуулснаар өнөөдөр албан ёсоор сонгуулийн сурталчилгаа эхэлж байна. сурталчилгаа нийт 17 хоног үргэлжлэх бөгөөд санал авах өдрөөс 24 цагийн өмнө (2024.06.26-ныг дуустал) зогсооно.
