Эдийн засаг хөгжлийн сайд Ч.Хүрэлбаатар болон Соёлын сайд Ч.Номин нарыг сонгуулийн хууль зөрчсөн гэх асуудлаар цагдаагийн байгууллагаас шалгаж байгаа талаар өнөөдөр /2024.05.29/ мэдээллээ.
Тодруулбал, УИХ-ын сонгуулийн хоёрдугаар тойрог буюу баруун бүсэд МАН-аас нэр дэвшихээр болсон Ч.Хүрэлбаатарыг Увс аймагт зохион байгуулагдсан спортын тэмцээний үеэр оюутнуудад 100 мянган төгрөг тараасан гэх гомдол цагдаагийн байгууллагад иржээ. Энэ дагуу шалгалтын ажиллагаа явуулж эхэлсэн байна.
Харин Соёлын сайд Ч.Номингийн тухайд УИХ-ын гишүүд ажлаа тайлагнахтай зэрэгцэн сайдын хувиар хийсэн ажлаа тайлагнан сэтгүүл гаргаж, шинээр байгуулагдсан хүүхэд залуучуудын театрт жүжиг үзэж буй хүмүүст тараасан. Энэ нь сонгуулийн тухай хуулийг зөрчиж байна гэх гомдол мэдээлэл цагдаагийн байгууллагад ирсэн тул ийнхүү шалгалтын ажиллагаа явуулж байгаа аж.
