Сүхбаатар дүүргийн 13 дугаар хороонд нийт 3 га талбайд иргэдийн амралт, чөлөөт цагаа зөв боловсон өнгөрөөх зориулалттай спорт цогцолбор бүхий цэцэрлэгт хүрээлэнгийн шав тавих арга хэмжээ болно.
Дүүргийн төсвийн хөрөнгө оруулалтаар баригдах уг Спорт цогцолбор нь олон улсын тэмцээн зохион байгуулах стандарт бүхий хоёр спорт заалт, хурлын болон оффисын танхимтай байх аж.
Гадна талдаа олон улсын стандарт бүхий хөлбөмбөгийн талбайтай, 3x3 сагсан бөмбөг, гүйлтийн зам, авто зогсоол, ногоон байгууламж, гэрэлтүүлэг бүхий амрах талбайтай томоохон бүтээн байгуулалтыг ийн эхлүүлж байна.
