Өчигдөр Г.Дугаржав тэргүүтэй Дарханы төмөрлөгийн үйлдвэрийн удирдлагуудын өрөөнд Авлигатай тэмцэх газраас нэгжлэг, шалгалт хийжээ. Улмаар “Дарханы төмөрлөг үйлдвэр”-ийн захирал Г.Дугаржавыг АТГ-аас шалгаж, 48 цагийн хугацаатайгаар баривчилсан байна.
Эх сурвалжийн мэдээллээр Г.Дугаржав эрх мэдэл албан тушаалаа урвуулан ашигласан, олон улсын бирж болон Монголын биржээр худалдаалах ёстой төмрийн хүдрийг дур мэдэн шууд борлуулсан байж болзошгүй байгаа аж. Мөн тэрээр Дарханы төмөрлөгийн үйлдвэрийн захирал болсноосоо хойш хөрөнгө орлогын мэдүүлгээ ирүүлээгүй байна.
