УИХ-ын чуулганы хуралдаан 10:00 цагт эхлэх ёстой байсан. Гэвч 12:00 цагийн байдлаар чуулганы хуралдаан УИХ-ын гишүүдийн ирц хүрэхгүй байгаагийн улмаас эхлээгүй байна.
УИХ-ын чуулганы хуралдааны дэгийн тухай хуулийн "9.1.Нэгдсэн хуралдаан долоо хоног бүрийн Пүрэв, Баасан гарагт 10:00-13:00 цагт, 14:00-18:00 цагт хуралдана. Гишүүд өглөө 9.00 цагаас эхлэн ирцэд бүртгүүлж, хуралдаанаар асуудал хэлэлцэхэд бэлтгэнэ. Товлосон асуудлыг ажлын цагт багтаан хэлэлцэж дуусаагүй бол хуралдаанд оролцсон гишүүдийн олонхын саналаар хуралдааны цагийг сунгаж болно" гэж заасан байдаг.
Өнөөдрийн хуралдаанаар УИХ-ын гишүүн Б.Баттөмөрөөс Ерөнхий сайдад хандан “Ашигт малтмалын лицензийн талаар” тавьсан асуулгын хариуг сонсоно.
Мөн хуулийн төслүүдийг үргэлжлүүлэн хэлэлцэнэ.
