Ойрын өдрүүдэд үргэлжилсэн бороо орохыг ус цаг уурын байгууллагаас мэдээлсэн. Улаанбаатар хотод өнгөрсөн шөнө 23:00 цагаас эхэлж орсон бороо өнөөдөр, маргааш үргэлжлэх тул зарим газруудад үерлэх нөхцөл байдал үүсэх эрсдэлтэй болохыг нийслэлийн онцгой байдлын газраас анхаарууллаа. Иймээс иргэд айл өрх, аж ахуйн нэгж байгууллага хамгаалалтын далан сувгийг цэвэрлэх, гэр сууц, зоорийн давхрын хамгаалалтыг бэхжүүлж аюулгүй байдлаа хангаж ажиллахыг анхаарууллаа.
