МАРГААШ ЗАРИМ АВТО БООМТУУД АЖИЛЛАХГҮЙ

Маргааш буюу 5 дугаар сарын 23-ны өдөр Бурхан багшийн их дүйчин өдөр тохиож, бүх нийтээрээ амарна. 

Бүх нийтийн тэмдэглэлт баярын өдрөөр Хятад, Оростой хиллэдэг боомтууд түр хаах хэлэлцээртэй байдаг.

Энэ дагуу 2024 оны тавдугаар сарын 23-нд

• Монгол, Хятадын Замын-Үүд, Бургастай, Шивээхүрэн, Гашуунсухайт, Ханги, Бичигт, Баянхошуу, Хавирга, Сүмбэр авто замын боомт,
• Монгол, Оросын Цагааннуур, Боршоо, Тэс, Арцсуурь, Ульхан авто замын боомтууд түр хаагдана.

Харин Хятадтай хиллэдэг Булган, Байтаг боомт,  Оростой хиллэдэг Алтанбулаг, Эрээнцав, Ханх авто замын боомтууд ажиллана. Мөн агаарын болон төмөр замын боомтын үйл ажиллагаа хэвийн үргэлжлэх юм байна.