Ардчилсан намын Үндэсний бодлогын хороо хуралдаж байна. Энэ удаагийн хурлаар 2024 оны УИХ-ын сонгуульд өрсөлдөх нэр дэвшигчдээ албан ёсоор батлан зарлах юм.
Тэгвэл дөнгөж сая ҮБХ-ны гишүүдээс жагсаалтад намын дарга Лу.Гантөмөр, С.Одонтуяа тэргүүтэй хүмүүс багтсаныг зарлалаа. Жагсаалтад нэр дэвшигчдээс хамгийн сонирхол татаж байгаа нь өөрийгөө "Z" үеийн төлөөлөл гэх АН-ын Хөгжлийн бодлогын асуудал хариуцсан Нарийн бичгийн дарга Саруулсайханы Цэнгүүн юм.
Тэрбээр маркетинг, Санхүү менежментийн магистр зэрэгтэй. Чөлөөт зах зээл, хувийн өмч ба эрх чөлөөг хамгаалах чиглэлд дуу хоолойгоо өргөж Ардчилсан намын хөгжлийн бодлогын асуудалд баруун төвийн үзэл баримтлалд тулгуурлан ажиллах чиглэл баримталж байгаа юм байна.
