“Алтайн хүдэр” ХХК-ийн эзэн Р.Базарааг өчигдөр /2024.05.15/ Сүхбаатар дүүргийн Эрүүгийн хэргийн анхан шатны шүүхийн шүүгчийн захирамжаар сулласан. Тэгвэл прокуророос Р.Базарааг цагдан хорьж, мөрдөн шалгах ажиллагааг үргэлжлүүлэх нь зүйтэй хэмээн үзэж, түүнийг сулласан шүүгчийн захирамжид гомдол гаргасан байна. Тиймээс прокурорын уг гомдолыг Сүхбаатар дүүргийн Эрүүгийн хэргийн анхан шатны шүүх маргааш буюу тавдугаар сарын 17-ны өдөр хэлэлцэхээр товложээ.
