ЗГХЭГ-ын дарга Д.Амарбаясгалан сэтгүүлчдэд хандан мэдээлэл хийх үеэрээ ногоон автобусны хэргийн талаар байр сууриа илэрхийллээ. Тэрбээр,
-"Ногоон автобусны дуулиан өнгөрсөн оны 8 дугаар сараас яригдаж эхэлсэн. Хотын дарга асан Д.Сумъяабазар өнөөдрийг хүртэл надад уурлаж яваад байгаа зүйл нь ногоон автобусны хэргийг олон нийтэд ил болгочихлоо гэдэг байдлаар надад өнөөдрийг хүртэл их дургүйцэлтэй хандаж байгаа. Тэр асуудлаараа бас телевизэд орж ярилцлага хийж байна билээ.
Би Сумъяабазар даргын яриаг сонсоод нар баруунаас мандах нь дээ гэж бодсон. Нүдийг нь боож, чихийг нь бөглөж, гарыг нь барьж байгаад тендер зарлуулаад, хуучин автобус авчирч өгсөн болгох гэж байна шүү дээ. Тэгэхээр өөрөө бүдэрсэн хүүхэд уйлдаггүй юм даа гэдгийг л хариулт болгож хэлье." гэлээ
