Зуны эхэн сар гарсан ч цаг агаар тогтворгүй, удаан үргэлжилсэн хэт халалт болоогүй. Гэсэн ч сүүлийн өдрүүдэд усны ослын дуудлага нэмэгджээ. Он гарсаар нийслэлийн гурван дүүрэг, есөн аймагт нийт 12 усны осол гарч, 12 иргэн осолджээ. Эдгээрийн 10 нь насанд хүрсэн, хоёр нь хүүхэд байсан бөгөөд онцгой байдлын албаныхан нэг иргэнийх нь амь насыг авран хамгаалсан байна.
Иймд гол, нуур гатлахаас аль болох татгалзаж, бага насны хүүхдээ хараа хяналтгүй орхихгүй байх зэргээр аюулгүй байдлаа хангахыг Онцгой байдлын байгууллагаас анхаарууллаа.
