Монголын олон улсын ба үндэсний спортын арбитрын дэргэдэх Давж заалдах комисс улсын гарьд М.Бадарчийн үүсгэсэн сэргээшийн маргаанд гаргасан эцсийн дүгнэлтээ өнөөдөр 10:00 цагаас танилцуулах байв. Гэвч тамирчин арбитрын хуралд гэрчээр оролцох хүсэлт гаргаж, мэдүүлгээ хаалттай өгөхийг зөвшөөрчээ. Түүний хүсэлтийг арбитр хүлээн авч, гэрчийг оролцуулан, 4 дүгээр сарын 30-ны өдрийн хурлыг үргэлжлүүлэхээр шийдвэрлэв.
Уг гэрч Туркээс биеийн эрч сэргээх метанолин бодис орсон эм 50 ширхгийг авчирч, 2023 оны 6-9 сар хүртэл авчирч өдөрт 4 ширхгийг уусан гэнэ. Тэрээр М.Бадарчтай хамт бэлтгэл хийж байхдаа зүрхний эм “Панангин”-тэй андуурч, өөрийнхөө эмийг М.Бадарчид өгсөн байж болзошгүй гэж бодож байгаа аж. Үүнийгээ гэрчилж, арбитрын хуралд гэрчээр оролцлоо.
