МУГТ Э.Цэндбаатар мэргэжлийн боксын 10 дахь тулаанаа Пуэрто Рикогийн боксчин Алберто Меркадотой хийж ялалт байгууллаа.
Тэдний тулаан АНУ-ын Флорида мужийн Плант Сити хотын "Уайтсандс" спортын ордонд болов.
Нийт найман үе тулалдах тулааны гуравдугаар үед өрсөлдөгчийг нь эмчийн үзлэгээр цааш тулалдах боломжгүй гэж үзсэнээр Э.Цэндбаатар мэргэжлийн бокст 10 дараалан ялж байна. Ингэснээр тэрээр топ 10-д эрэмбэлэгдэж эхэллээ.
МУГТ Э.Цэндбаатар тэмцээнийхээ тухай, “Миний хувьд бэлтгэл форм маш сайн байгаа. Аварга болно гэдэг зорилго л урдаа тавьсан, ялна” гэж өөрийн нүүр номоороо дамжуулан илэрхийлж байв.
Түүний өнөөдрийн өрсөлдөгч Алберто Меркадо энэ жил 36 настай, мэргэжлийн бокст 25 тулаан хийснээс 17-д нь ялсан туршлагатай нэгэн байжээ.
