“S’Outlet” дэлгүүрийг өнгөрсөн гуравдугаар сараас эхлэн буулгаж эхэлсэн. Одоогоор дэлгүүрийн дөрвөн давхар тусгай объект, агуулах, гурван хүчдэлтэй цахилгаан эрчим хүчний дэд станцыг буулгаж дуусгаад байгаа юм. Дэлгүүрийн таван давхар үндсэн барилгыг нураах ажлыг дөрөвдүгээр сард эхлүүлсэн. Тус дэлгүүрийн таван давхар барилгыг тусгай зориулалтын экскаватороор өнөөдөр/2024.05.08/-өөс нурааж байна.
Өнгөрсөн сард S’Outlet дэлгүүрийн буурин дээр нийт 1.5 км урттай, 4-4.5 метрийн өндөр, төмөр бетонон хийцтэй үерийн даланг барих тендерийг зарласан. Тухайн тендерийг өнөөдөр /2024.05.08/-нд нээх бөгөөд нийт санхүүжилт нь 37 тэрбум төгрөг байна. Үүнээс 20 тэрбум нь S’Outlet дэлгүүрийн буурин дээр баригдах үерийн хамгаалалтын шугам сүлжээ, барилга байгууламжид зарцуулагдах аж. Энэ жилийн тухайд тендер зарласан үнийн дүнгээс есөн тэрбум төгрөгийг зарцуулна.
