Нарны зам дагуу Соёолжийн нүхэн гарц орчмоос Нарантуул захын уулзвар хүртэлх 870 метр зам засварын ажил графикийн дагуу явагдаж байна. Тус замын баруунаас зүүн тийш явах чиглэлийн хөдөлгөөнийг өчигдөр нээсэн.
Харин хойд хэсэг буюу зүүнээс баруун тийш явах чиглэлийн асфальт бетон хучилтыг өнөөдөр буюу тавдугаар сарын 8-нд дуусган, тэмдэг, тэмдэглэгээг хийн пүрэв гараг буюу тавдугаар сарын 9-ний 06:00 цагт зорчих хөдөлгөөнийг бүрэн нээхээр ажиллаж байна.
Тус ажлын хүрээнд тэгш байдал алдагдсан, суулт үүссэн замын хашлагыг асфальт бетон хучилтын түвшинд тааруулах, инженерийн шугам сүлжээний худгийн тагийг асфальт бетон хучилтын түвшинд тааруулах, авто замын зорчих хэсгийг хүчитгэн асфальт бетоноор хучих зэрэг ажил хийнэ. Мөн хэвтээ болон босоо тэмдэг тэмдэглэгээ суурилуулж, явган хүний гарц хийнэ.
